Sunday, 24 September 2017

தமிழ்நாடு அரசு நர்சுகள் சங்கம்

தமிழ்நாடு அரசு நர்சுகள் சங்கம்

அன்புடையீர்!

இன்று 21.09.17 காலை முதல் நமது மாண்புமிகு தமிழ்நாடு அரசு துணைமுதல்வர் ஐயா அவர்களுடன் சந்திக்கும் பொருட்டு நமது மாநில சங்க நிர்வாகிகள் காத்திருந்தோம்.

_இடையே சில மூத்த அமைச்சர்கள் மற்றும் உயர் அதிகாரிகளுடன் மாண்புமிகு துணை முதல்வர் ஐயா_ _அவர்களுக்கு மீட்டிங் இருந்ததால் நம்மை சந்திக்க காலதாமதம் ஏற்பட்டது.அதனால் இடையே மாண்புமிகு நமது துறைஅமைச்சரை சந்தித்து நமது கோரிக்கைகளை வழியுறித்தினோம் என்ற செய்தியை விரிவாக மாலையில் தங்கள் அனைவருக்கும் தெரியபடுத்தியிருந்தோம்.

காலதாமதம் ஏற்பட்டதால் நமது மாநில நிர்வாகிகளை மாண்புமிகு துணமுதல்வர் ஐயா வீட்டில் சந்திக்க நேரம் ஒதுக்கி அதிகாரிகள் மூலம் எங்களுக்கு தெரியபடுத்தப்பட்டது.

நாங்கள் மாண்புமிகு துணைமுதல்வர் ஐயா வீட்டிற்கு சென்றபோது,எதிர்பார்த்ததைவிட அதிக அளவில் கூட்டம் அலைமோதிய போதிலும், எங்களை அனைவரையும் அலுவலகத்தில் அழைத்து அமரவைத்து பேசும்போது மணி சரியாக 10 pm

நாம் குடுத்த கோரிக்கைகளை நிதானமாக வரி வரியாக படித்து எங்களிடமும் சில கேள்விகளை மாண்புமிகு துணை முதல்வர் ஐயா அவர்கள் வினவினார்.

எத்தனை வருடம் தாங்கள் படிக்கிறீர்கள்,3 1/2 வருடம் படித்தும் ஏன் டிப்ளோமா ஐ டிகிரியாக இன்னும் மாற்றவில்லை, ஆறாவது ஊதியக் குழு மற்றும் ஒன்மேன் கமிசனில் உங்கள் சம்பள உயர்வு மற்றும் படிகளை ஏன் வாங்கவில்லை என்று வினவினார்.

நாங்கள் தக்க சான்றுகளுடன் எடுத்துக்கூறியவுடன் மிகவும் கவனமாகவும் பறிவுடனும் கேட்டறிந்தபின்னர்,நமது கோரிக்கைகளுக்கான பைனான்ஸ் அப்ருவலுக்கு தாம் ஆவணம் செய்வதாக உறுதியளித்தார்.

மேலும் எங்கள் முன்னிலையில் மாண்புமிகு சுகாதார துறை அமைச்சர் அவர்களை அலைபேசியில் தொடர்பு கொண்டு_ _செவிலியர்கள் கோரிக்கைகள் தொடர்பாக செவிலியர்கள் சங்க பிரதிநிதிகளுடன் பேசவேண்டும் ,நாளை தாங்கள் சென்னையில் இருப்பீர்களா என்று வினாவினார்,

நமது துறை அமைச்சர் இங்கு தான் இருப்பேன் என்றதும் நாளை காலை 11மணியளவில் நேரம் ஒதுக்குங்கள், நானும் வருகிறேன் செவிலியர்கள் கோரிக்கைகள் தொடர்பாக பேசலாம் என கூறி ,எங்களிடமும் நாளை உங்கள் துறை அமைச்சர் முன்னிலையில் இன்னும் தெளிவாக பேசி உங்கள் குறைகளை கண்டிப்பாக நிவர்த்தி செய்கிறோம் என்று கனிவோடு கூறினார்கள் நமது மாண்புமிகு துணை முதல்வர் ஐயா அவர்கள் என மிகவும் மகிழ்வுடன் தெரிவித்துக்கொள்கிறோம்


தமிழ்நாடு அரசு நர்சுகள் சங்கம்

No comments:

Post a Comment

தங்களது கருத்துக்களை இங்கு தவறாமல் பதிவு செய்யவும்.