Monday, 2 November 2015

உண்ணாவிரதம்

 
பல குழப்பமான சூழலில் பல செவிலியர்கள் உள்ளனர்.

 சில தனிப்பட்ட நபர்களின் முட்டாள் தனத்தினால் இயக்கம் தோல்வி அடைய கூடாது மேலும் அரசிற்கு இது ஏளனமான பார்வையை நம் மேல் ஏற்படுத்தும் என்ற காரணத்தால் இது சமந்தமான தெளிவான விளக்கத்தை இப்பொழுதும் கூட தர யோசிக்கிறோம், .

 
மேலும் செவிலிய இயக்கத்தை ஒரு அரசியல் சார்ந்த பாதையில் இயக்குவதில் உடன்பாடு இல்லை.
 
ஆனால் புரிகிறது இருக்கின்ற இரண்டு மாதத்தில் இந்த பஞ்சாயத்து எல்லாம் தேவையா என்று.

மேலும் நாம் அனைவரும் பொதுவாக நினைப்பது மற்ற பிரச்னை எல்லாம் இருக்கட்டும் எல்லாரும் ஒற்றுமையாக நமது பலத்தை நிரூபிக்க வேண்டும் இந்த சூழலில் என்று.
 
ஆனால் இன்னொரு பக்கம் பல விஷயங்களை யோசித்து தான் செய்ய வேண்டியுள்ளது.

சங்கம் என்பது நமது செவிலியர்களின் மேல், நமது ஒற்றுமையின்
மேல் தான் நம்பிக்கை வைக்க வேண்டும். ஒரு கட்சியின் மேல்
அல்ல
 
உண்ணவிரதிற்கு செல்லும் செவிளியர்களுக்கு ஏதேனும் பிரச்னை
என்றால் சங்கமாக இணைத்து சரி செய்ய திராணி வேண்டுமே
அன்றி, ஒரேஒருவரின் பலத்தில் நாம் எத்தனை நாள் நிற்க முடியும்.
 

தனித்து செயல்படுவதற்கும் தனிதன்மையோடு செயல்படுவதற்கும் வித்தியாசம் உள்ளது..

இதில் நாங்கள் கலந்து கொள்ள வில்லை என்றால் எங்களுக்கு இதில் விருப்பம் இல்லை என்று அர்த்தம் இல்லை, செவிலியகளின் பணி நிரந்தரத்தில் எங்களுக்கு உடன்பாடு இல்லை என்று அர்த்தம் இல்லை. கடந்த ஐந்து வருடமாக அதற்கு தானே அனைவரும் முயன்று கொண்டு இருக்கிறோம்.
 
இருபினும் பல முட்டாள் தனமான முடிவுகளை தனது தனிப்பட்ட பெயருகாகவும், தான் சார்ந்த இயக்கதிற்காகவும் சிலர் எடுத்து உள்ளனர்.
 
நமக்கு தேவை தலையாட்டி பொம்மைகள் அல்ல தலையையே ஆட்ட கூடிய பொம்மைகள்.
 
போராட்டத்தால் ஏதேனும் செவிலியர்களுக்கு பிரச்னை என்றால் கடைசி வரை உடன் இருந்து கரை ஏற்ற வேண்டும்.
சில நண்பர்கள் தலைமை பதவியை தராததால் இவ்வாறு பாலிடிக்ஸ் செய்கிறோம் என்று எண்ணுகின்றனர். அப்படியல்ல கொடுக்க பட்டாலும் அதை நாங்கள் ஏற்று கொள்ள போவதும் இல்லை, நமக்கு தேவை திறம்பட செயலாற்றகூடிய நபர்கள்.
 
ஐந்து வருடமாக ஒரே ஒரு மீட்டிங் அதுவும் நாம் இறுதியாக வைத்த மீடிங்கில் கலந்து கொண்ட செவிலியருக்கு தலைவர் பதவி அளிக்க பட்டதில் இருந்தே எப்பேர்பட்ட நபர்களை ஒருவர் தேர்தெடுத்து உள்ளார்கள், உண்மையை சொன்னால் தேர்தேடுக்கபட்ட நபர்கள் அல்ல தனி நபரால் நியமிக்கபட்டவர்கள். இவர்கள் தலைமையில் போக எங்களுக்கு விருப்பம் இல்லை.
 
இதை ஒரே நாளில் உடைந்து ஏறிய எங்களால் முடியும் என்ற போதிலும் அது எங்கள் விருப்பம் அல்ல.
உண்ணாவிரத்தில் நாங்கள் கலந்து கொள்வதை சில தனிப்பட்ட நபர்கள் விரும்ப வில்லை. அது மதுரையில் நடந்த கூட்டத்திலேயே தெரிந்தது. மதுரை கூட்டத்திற்கு வந்தவர்களுக்கும் தெரியும்.
மேலும் தலைமை என்பது பணி நிரந்தரம் சமந்தமான முயற்சிகளில் நினைத்தால் வருவது போவது அல்ல,

மேலும் உண்ணாவிரத்தில் அவர்கள் விருப்பபடி நாங்கள் கலந்து கொள்ள வில்லை என்ற காரணத்தால் நீங்களும் கலந்து கொள்ளாதிர்கள் என்று மிக கேவலமான பாலிடிக்ஸ் செய்ய விருப்பம் இல்லை. எங்களுக்கு தேவை அனைத்து தொகுப்பூதிய செவிலியர்களும் பணி நிரந்தரம்


உண்ணாவிரத்திற்கு செல்வதும் செல்லாததும் உங்களது தனிப்பட்ட முடிவு தான், இதில் நாங்கள் எங்கள் கருத்தை சொன்னால் அது தவறாக புனையபடும்.
 
எங்களது நிலை புலி வாலை பிடித்த கதைதான்.
 
அதற்காக இதோடு அனைத்தையும் விட்டு விட்டு சென்று விட்டோம் என்று அர்த்தம் இல்லை. பணிகள் தொடரும் அனைவர்க்கும் பணி நிரந்தரம் வரும் வரை, முயற்சிகள் தொடரும் முடிவு கிடைக்கும் வரை.
 

 
நல்லதே நடக்கும்.

ரவி சீத்தாராமன்.

No comments:

Post a Comment

தங்களது கருத்துக்களை இங்கு தவறாமல் பதிவு செய்யவும்.