Saturday, 5 September 2015

கருப்பு பேட்ச்-அடையாள உண்ணாவிரதம்-தொடர்உண்ணாவிரதம்-MCI வழக்கு தொடுப்பது


இன்னும் ஒரு வாரத்தில் அரசின் கவனத்தை ஈர்க்கும் விதமாக தொகுப்பூதிய செவிலியர்கள் அனைவரும் இணைந்து பணி நிரந்தரதிற்காக அடையாள உண்ணாவிரதம் இருக்க முடிவு செய்யபட்டு உள்ளது.

தேதி இன்னும் ஓரிரு நாளில் அறிவிக்கபடும்.

ஒரு வேளை அதுவும் அரசின் கவனத்தை ஈர்க்க தவறும் பட்சத்தில் தொடர் உண்ணாவிரதம் அடுத்தகட்டமாகக இருக்கும்.


அதையும் தாண்டி தேவைபட்டால் முறையாக செவிலியர்களை நியமிக்காமல் இல்லாத செவிலியர்களை இருப்பது போல் காண்பிக்கும் MCI மேல் வழக்கு தொடுக்கபடும்.


ஏற்கனவே சொன்னதுபோல் எப்போதும் அரசுக்கு அவபெயரோ அல்லது அதிகாரிகளுக்கு தலைவலி உண்டாக்குவதோ எங்கள் நோக்கம் அல்ல.அந்த மாதிரியான சிந்தனைகள் எங்களுக்கு துளி கூட கிடையாது. இதில் எந்த மாற்று கருத்துக்கும் இடம் கிடையாது.

ஆனால் எங்களுக்கு வேறு வழி தெரியவில்லை. கடந்த 2012 முதல் இந்த பணி நிரந்தரதிற்காக அலைந்து வருகிறோம்.

எங்கள் நிலை மிகவும் மோசமாக உள்ளது. எங்கள் துறையும் மிகவும் மோசமாக உள்ளது.அது அனைவரும் அறிந்த ஒன்று.


ஒரு சாதராண பணியாளர்களுக்கு தரப்படும் முக்கியத்துவம் கூட எங்கள் துறைக்கும் எங்களுக்கும் வழங்கபடுவது இல்லை.


எங்களுக்கான உரிமைகளை வழங்குங்கள், இன்னும் சிறப்பாக தமிழக மக்களுக்கு சேவை செய்து தமிழக அரசிற்கு நற்பெயர் பெற்று தருவோம்.

 

 

No comments:

Post a Comment

தங்களது கருத்துக்களை இங்கு தவறாமல் பதிவு செய்யவும்.