Friday, 18 September 2015

புது புதுசா திட்டம் போட்டு
நல்ல பேர நீங்க வாங்க
நாறு நாறாய் கிழியுறோமே நாங்க!

 
ஐயா நாங்க வாழ
ஒரு திட்டம்
நீங்க போட்டதில்ல ஏங்க!

 
வருசம் ஏழு ஆகி போச்சி
வனவாசம் முடியவில்லை இங்க!
எட்டாயிரம்
நாங்க வாங்க எழும்பு நொறுங்க
உழைக்கிறோமே ஏங்க!

 
இரவு,பகல் சிப்ட் போட்டு
வாட்டி நீங்க வதைக்கையிலும்
சத்தம் நாங்க போட்டதில்ல!!
ஏன்னு கூட கேட்டதில்ல இங்க!

 
வித விதமாய் நோய் வந்து
உயிர்ப்கொன்று போகும்போது,
ரண ரணமாய் நாங்க -இருந்தும் ராப்பகலாய் அழையுறோமே ஏங்க!

 
இரத்த பந்தம் வீட்டினிலே
நோய்பட்டு படுத்தாலும்,
எட்ட நின்னு பார்த்திடவும்
எட்டு தினம் ஆகுமய்யா இங்க,

 
பல்லுபோன பாட்டன் கூட
ஓய்வுகூலி முப்பதாயிரம் வாங்கயில;
முன்னூறு ரூபாய்க்குள்
என் இளமையினை தொலைக்கிறேனே இங்க!

 
ஊர் குடும்பம்
நல்லா இருக்க
ஊர் ஊராய் திரியுறோமே நாங்க!

 
தாய்ப்பால கொடுக்க சொல்லி
தக்க சேதி சொல்லுறமே நாங்க!
எம்புள்ள பாலுக்காக ஏங்குதய்யா இங்க!
எங்களுக்கும் குடும்பமுண்டு ஐய்யா
அத மறக்காம நெனைக்கனுமே நீங்க!
,
நைட்டிங்கேர்ள வாழும்-
எங்கள
பைட்டிங்கேர்ளா மாத்த வேணாம் நீங்க!
மாற்றம் வேணும் எங்களுக்கு;
நிரந்தரமாக்கிவிடு-
சீக்கிரமாய்!!!!

 
கவிதை வடித்த ஆண் செவிலியர் ரமேஷ்கு செவிலியர்கள் சார்பாக நன்றி 
 

1 comment:

  1. Kallanamanathayim kariyavaikum kavithai...
    Konjam kuda manasula ieram illa ??????menta ennannu sollradu..

    ReplyDelete

தங்களது கருத்துக்களை இங்கு தவறாமல் பதிவு செய்யவும்.