Tuesday, 21 April 2015

NCD & RCH செவிலியர்களுக்கு ஓர் ட்ரான்ஸ்பர் கவுன்சிலிங் வைக்க கோரிக்கை ?


அனைத்து தொகுப்பூதிய செவிலியர்களும் பொதுவாக எங்களுக்கு பணி நிரந்தரம் வர கால தாமதம் ஆகும் பட்சத்தில் குறைந்த பட்சம் எங்கள் சொந்த ஊர்களுகாவது பணி மாறுதல் கிடைத்தால் நன்றாக இருக்கும் என்று விரும்புகின்றனர்.

கடந்த 2011 ஆம் ஆண்டு தொகுபூதியத்தில் பணியில் இணைந்த தொகுப்பூதிய செவிலியர்களுக்கு இதுவரை ஒரு முறை கூட பணி மாறுதல் கலந்தாய்வு நடத்த வாய்ப்பு இல்லாமல் இருந்தது, நடத்த பட வில்லை.

மேலும் நமது தொகுப்பூதிய செவிலியர்கள் அனைவரும் தங்கள் குடும்பங்களை விட்டு வெகு தூரத்தில் பணி புரிகின்றனர்.
மேலும் MRB மூலம் தேர்தெடுக்க படும் செவிலியர்கள் தமிழகம் முழுவதும் காலியாக உள்ள அனைத்து பணி இடங்களிலும் நிரப்பபடுவர்.
நினைத்த இடம் கிடைக்காமல் கிடைத்த இடத்திற்கு சென்று நமது சகோதரிகள் ஐந்து ஆண்டுகால பணி புரிந்து வருகின்றனர்.

எனவே அவர்களுக்கு தேர்வு மூலம் தேர்தெடுக்கபடும் செவிலியர்களுக்கு கவுன்சிலிங் நடத்தும் முன்னர் நமது தொகுப்பூதிய செவிலிய சகோதரிகளுக்கு ஒரு பணி இட மாறுதலுக்கான கலந்தாய்வு நடத்த நமது மக்கள் முதல்வர் அம்மா அவர்களின் வழிகாட்டுதலில் சுகாதார துறையை சிறப்பாக வழி நடத்தி கொண்டிருக்கும் நமது சுகாதார துறை அமைச்சர் மாண்புமிகு விஜயபாஸ்கர் ஐயா அவர்களிடமும் நமது துறை அதிகாரிகளிடமும் கோரிக்கை வைக்கலாம் என்ற விருப்பம் உள்ளது.

மேலும் அப்படிஎன்றால் பணி நிரந்தரம் இந்த வருடம் வராதா என்றால் அந்த கேள்விக்கு விடை நாம் தான் தேட வேண்டும். முயற்சிக்க வேண்டும்.

ஏற்கனவே 3500 செவிலியர்கள் இன்று தொகுபூதியத்தில் இருக்கிறோம்.
இப்போது உள்ள சூழலில் அப்படியே பணி நிரந்தரம் வந்தாலும் இந்த வருடத்தில் 2008 பேட்ச் முழுதாக முடியுமா என்பது சந்தேகம்?
எனவே நாம் அனைவரும் ஒருங்கிணைந்து ஒற்றுமையாக மாண்புமிகு
மக்கள் முதல்வர் அம்மா அவர்களிடமும் தமிழக அரசிடமும் கோரிக்கை வைக்க வேண்டும்.

செவிலிய பெண்களின் பிரச்னைகளை முறையாக அரசின் கவனத்திற்கு கொண்டு சென்றால் கண்டிப்பாக வெற்றி பெறுவோம்.
இந்த வருடத்தில் அனைவரும் பணி நிரந்தரம் பெறுவோம். இல்லையென்றால் 2017 தான்.

வழக்கம்போல் எவனாவது ரெண்டு கிறுக்கன்கள் அமைச்சர் அதிகாரிகளை பார்ப்பார்கள்

நமக்காக நாய் மாதிரி அங்கு சென்று வாசலில் காத்து கொண்டு இருப்பார்கள்

அவர்களிடம் வாங்கிகட்டி கொண்டு நமது பிரச்னைகளுக்கு தீர்வோடு வருவார்கள்.

நாம் நமது கணவன் அல்லது அப்பாவை விட்டு என்ன தகவல் என்று கேட்டு தெரிந்து கொள்ளலாம் இல்லை என்றால் இருருக்கவே இருக்கிறது இணையம் அதில் பார்த்து தெரிந்து கொள்ளலாம் என்றால் சாவுதான் ரெண்டு வருசத்துக்கு.

வாங்கனா வரணும்

ஒரு பேச்சிக்கு சொன்னா கூட காலுல விழுகணும்னா கூட ஒரு நுறு
பேரு விழுந்தா நல்லா இருக்குமா நாலு பேரு விழுந்தா நல்லா இருக்குமா

முடிவு உங்கள் கையில் முயற்சி எங்கள் கையில்.
நன்றி
 

No comments:

Post a Comment

தங்களது கருத்துக்களை இங்கு தவறாமல் பதிவு செய்யவும்.